U President ka India, katkam wa da phah da tyrwa da u Prime Minister, da pdiang u yei ieh noh ka Harsimrat Kaur Badal wow man kam ka Minister ka sorkar India chi syndon hapoh ka Clause (2) ka Article 75 ka Constitution.
Chooh chooh kamwa da tyrwa da u Prime Minister, u President da phah u ya u Narendra Singh Tomar, Cabinet Minister wow pait u leh yaka Ministry of Food Processing Industries, najrong kiwi ki chnat sorkar kiwa da pait u.
Kam wow kdaw heini wa ka Harsimrat Badal da ieh noh ko yei man kam ka Minister ka sorkar u Modi kam i dak pyrchah yei wanrah yaka The Farmers Produce Trade and Commerce (Promotion and Facilitation) Ordinance, 2020; The Farmers (Empowerment and Protection) Agreement; waka The Essential Commodities (Amendment) Ordinance, 2020 daka sorkar NDA neidaw kiwa boon ki warep ha Punjab wa Haryana pyrchah ki ya ini i thmu ka sorkar.
Ka Badal toh kawa naka Akali Dal Party heiwa kiwa boon kiwa kyrchaan yaka Party toh ki warep.
