Shillong: U MLA ka Congress na Ranikor u Martin M Danggo ym em wan u wow ieh noh kaam namo wow resign kam u MLA ynne ka sngi hanlada dadep pyntip u cha u Symbood Lamphang ka Yung dorbar, u Timothy D Shira.
Hawa pyntip yeini, u Symbood Lamphang da ong u wa heisakhiat u Danggo da pyntip u wow wan resign kam u MLA ynne ka sngi heipor 5 waje janmiet cha Assembly warim, tangwa hadien kamwa chi kynta leh ym em poi u.
Neiliang u Symbood Lamphang da ong u wa hadien wa yoh yutip u na u montri ka tnat kaam pohyung, u James Sangma wa u Danggo ym wan u ynne ka sngi tangwa daw leh u yeini ha ka tayaw wow wan.
Rap nachwa da yoh yutip wa u Danggo daw wan resign u hadooh ka 5 namo 10 tarik u bnai wow wan wei haap yang hadooh wa ka sorkar daw booh mooyurim ko neibynta ka Ranikor Civil Sub-division.
U Danggo da thmu u wow resign noh kam u MLA na ka Congress wow yakhun won na ka NPP ha ka election chiteiñ samoi, tangwa da booh kyndon u ya ka NPP kawa yahkhmat ya ka sorkar wa toh u e chwa ya ka Ranikor Civil Sub-division.
Discussion about this post