Jowai: Ka lehniam Durga Puja yong ka chnong Nartiang da sdang ko nadooh kani ka 27 tarik heiwa ha uni u snem kani ka lehniam man ko kawa rap phær neibhah da wan chimbynta da ki pandit na ka thaiñ North India, kamjooh leh ki blang da wanrah da wanrah ym du da ki khon ka chnong tangwa na baar leh kamjooh.
Kani ka Durga Puja toh ka lehniam wa leh ha Nartiang nadooh ki por u syiem Prabhat Rai, uwa man u Syiem Jaiñtiapur, wei i ngait yong oo wow mane ya ka blai Durga toh hadien wa tynyap ko ya u soitan uwa pynjæd tympra ya ka chnong ka thaw wa ka pyrthai wei da mane noh yaka wow pyndam ko yei sih waroh.
Ynne ka sngi toh ka sngi kawa le heiwa kiwa ngait ya ka niam Hindu najan wa na jngai da wantooid ki cha kani ka Mandir wow chimbynta ha kani ka lehniam hei kieh i ood ki bom, wa ki waje wei hadien i lehniam puja ki pandit da pam won ya ki blang ha pchem kani Mandir wa da wanrah da kiwa ngait ya ka niam Hindu.
Hawa yaklam wa u Waheh Chnong ka Nartiang u Chembiang Myria, da khana u wa ka lehniam yong uni u snem man ko kawa kyrpang neibhah da wan da ki pandit naki thaiñ North India wei katkam wa ngait ki emkaam u lai cha ki thaw wa haap i bynta i doh i pran ka Sati Devi wei ha Nartiang da hap ka skep tidiang yong ka, cha kiwi ki thaw ya ka Durga Puja da pynman 9 sngi ka lehniam katwa ha Nartiang won nadooh ki 100 snem da pynman noh 4 sngi lynter.
Hei yatoh wa i pam blang da ong u wa ha uni u snem da wanrah ya ki blang ym du na Nartiang tangwa na kiwi ki thaw leh kamjooh.
Discussion about this post