15 49.0138 8.38624 1 0 4000 1 https://wyrta.com 300 0
Advertisement ad1

Ym em bynta ka BJP wow luchia ya i kaam niam ki bru: Alphons Kananthanam

0 Comments
Advertisement ad1
Advertisement ad1
Advertisement ad1

Shillong: U Montri Khynnah wa pait ya ka kaam uiñsuwari (Tourism) wa ka Information Technology, u Alphons Kananthanam da kyntait u wa ka BJP toh ka seiñ kawa lehbeiñ ya kiwi ki jaitniam kiwa kynthup ya kiwa ngait niam Khristan.

Hawa yaklam wa kiwa pathai khubor heiwa wan u cha Shillong, hadien wa da thung ya oo wow pait ya ka BJP Meghalaya neibynta ka Election wow wan, u Alphons da ong u “Hadien wa mih boon kiwa pynbaad ya ka BJP wa ki Khristan daw chah lehbeiñ ki ha ka BJP wei daw pynpra ya ki Mosque da kylli u deiwa ong wa da jooh sñiaw mo wa em ki Khristan wa chah dat næ chah lehbeiñ næ tympiah tympra ya ki yunmange mo ki Mosque?”

Advertisement ad1
Advertisement ad1

Da kyntait u leh ya i poor ka khubor lyngba ka social media wa ka BJP lehbeiñ ko ya kiwi ki niam deiwa ong u wa ini man i du wow daisarom ya ka seiñ.

“Ym em wot tang kawi leh ka yungmane namo ka thaw mane ki Kristan wa chah tympra næ chah lehbeiñ. Nga toh u Kristan wei nga em i bahkhlieh ha nga wow pait ya kam kini ha kylleiñ ka ri” da ong u Alphons.

Da ong u leh wa u Montri rangbahdooh ka ri u Narendra Modi burom u ya waroh ki jaidbru wa ki niam ka ri.

Heijooh i por da ong u wa ka BJP em ko ki montri kiwa na ki jaitniam Khristan ha kiwei ki jylla wa da synchaar ko kam 7 ngut ki MLA ha Goa, 2 ngut ha Manipur, 2 ngut ha Nagaland wa 7 ngut ha Arunachal Pradesh.

Hei yatoh wa i khang baam doh masi, u Alphons da ong u wa ka sorkar pyrdi ym em bynta ko wow khang næ hukum kammon wow baam næ wow riam.

Advertisement ad1
Advertisement ad1
Advertisement ad1

0 Comments

Leave a Reply