Phah hajir ki pulit ya ar ngut ki dkhot ka KSU heiwa da kem ya uwi wei pynlait ya uwi

U Superintendent of Police ka East Khasi Hills, u Vivek Syiem da pyntip u wa ki pulit da khut hajir ki ya 2 ngut ki dkhot ka KSU Shillong Mihngi Circle, hajrong i lai khang ya ka mandir wa chna ha pchem ka Office ka CBI ha New Shillong.

Da pyntip u wa neiliang ka Special Investigation Team (SIT) leh da takit ko ya kini ki ar ngut hajrong i jia ha ka 19 tarik u Naisaphra, wei hadien wa da takit ki pulit da pynlait noh ya u Asst. GS ka KSU Shillong Mihngi Circle, u Celestine Rynghang hadien wa da kem ya oo ynne ka sngi.

Ini i pynlait ki pulit toh hadien wa da pyntikna ki wym em u hei lai Rally ka KSU ha ka 19 tarik u Naisaphra.

Ki pulit ynne da khut hajir ki ya u Samuel Kharbani, General Secretary deilang wa u Celestine ha Sadar PS hajrong i kaam wa yatoh wei pyrchah yei chna mandir ha pchem ka CBI, New Shillong, tangwa da kem noh syndon ya ki deiwa pynyatoh wa iwa jia ha ka Rally ha ka 19 tarik, wei da yah leh ya ki cha Civil Hospital Shillong yow leh Medical Check-up.

Related posts

Heipor wa e sikai pynemkaam JCB pynchna syndon ya ka luti yongrim wa jooh lai ki syiem na Jaiñtiapur cha Nartiang

November 6, 2026

Yoh ki ar tylli ki thaw sumaar ka West Jaiñtia Hills yei tipmit na ka National Quality Assurance Standards

November 6, 2026

U Vivek da khana u wa hadooh kattæ da em 5 ngut ki dkhot ka KSU kiwa da chah kem hajrong i jia ha ka Bike Rally kawa da pynman ha ka 19 tarik u Naisaphra wei da pyntip u leh wa kiwa chah kem da chah pynngat ki ha ki kyndon aiñ ka MMPO, BNSS wa kiwi de.