Phah hajir ki pulit ya ki le ngut heiyatoh wa i thang kari ha Pynursla

Ki pulit da ye ki wow chemdien ya ki le ngut kiwa da emkti hei yachoh wei thang ya le tylli ki kari iwa da jia ha Dong Umkor, Pynursla hei step synyaaw ka 28 tarik heiwa da phah hajir ki ya kini ki le ngut yow kylli takit ya ki.

Katkam wa da mih khubor, ini da jia i hadien wa em i ya kajia dei miet hapyrdi uwa yah ya ka kari Maruti Swift wa ar ngut kiwi kiwa muaid kiwa dang liwan na ka Fete heiwa da em leh i yachoh heiwa kini ki ar ngut da ksih ki na rdang ya uwa yah Swift wei yow yaleh pyrchah da dait u yei kti yong uwi na kini kiwa ksoh oo hadooh wa mih snaam.

Kini ki ar ngut da yut ki neini yow lai thooh lok na ka Fete wei da wan ki wa chiboon kiwi cha kani ka thaw. Uwa yah Swift yow lait nei jia iwon iwon iwa rap heh, da yut u chapoh iwi i khloo wa em chajan deiwa ieh ya ka kari u.

Hadien wym chem ya uni uwa yah kari, da thang noh ki ya ka kari Swift tangwa i diñ da poor i cha ki ar tylli ki kari wa em hajan deiwa iñkhaw leh ka kari Mahindra Scorpio wa ka Datsun redi-GO.

Related posts

Pynman ka Wapungskur yei jied waheh chnong wa em 5 ngut ki kyrtong wa yaleh

January 19, 2026

Pynkut uwi yei mynsien hadien wa pynpoor kawi yei Video wa pynbaad tba khlemakor u ka hapoh Bus

January 19, 2026

Ha i Video wa da poor da yoo yei em wa liar dei snaam ya ka Swift chwa u chah thang ko heiwa da em leh wa thoh dei pyrtuid yong u bru ha kani ka kari.

Ki tre kari wa chah thang da wan ki wow e FIR deilang u tre ka Swift uwa da khana leh yei pyrtuid ki bru ha ka ujor u wei ki pulit dang pynman ki yei takit.