Kiwa uiñke suwari kiwa na Japan da chah kyrha chah tim ki ha chnong Varanasi heipor wa dang mut ki wow sum ha ka wah Ganga ha i bynta ka Dashashwamedh Ghat.
Ini da jia i ha ka 25 tarik u December katkam ki khubor wa da mih kawa man leh ka sngi Christmas heiwa kini ki Japanese kiwa em 3 ngut ki kynthai wa ar ngut ki chynrang toh kiwa sap tupri Santa Claus wei ki chynrang toh kiwa da pynkhreh wow hiar sum cha ka wah Ganga heiwa uwi na ki chynrang toh uwa sap ya ka patlun yimpa rong soo deilang ka tupri Santa Claus.
Ha ini i por da wan ki bru wa phah ya ki wow sap sula ki kamjooh wow pynlang pynlum ya ki that ki nep ki, heiwa uwi na ki bru paidbah da sñiaw yei ong u wa ileh ymtip phi mo wa kani ka wah toh kawa kyntang wei boon ki bru wa sum heini wei ileh ym tip phi u pyrkhat, heiwa da dawa u wow paan maap ki.
Em leh kiwa da pynbaad wa kini ki Japanese jung ki ha kani thaw wei neiliang kini ki Tourist leh da paan maap ki wei da chah wow mih ki na kani ka thaw.
Neiliang ki pulit ka Varanasi hawa pynche yeini da ong ki wa kini ki Tourist kiwa na Japan da chah kylli takit ki ha kiwi ki bru heiyatoh wa i sum ha kani ka wah tangwa da ye wow yasuk wei ym em leh kiwon kiwon kiwa cha tba kti.
Chooh chooh da ong u wym em yoh kawon kawon ka ujor heiyatoh wa ini wa jia.
Discussion about this post