theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Phah ka HC ya ka sorkar wow paitbniah yei em kiwa khrong poisa na kiwa chongdai madan

Ka Meghalaya High Court hawa chong bichaar biang ya ka mukotduma wa yaleh da ka seiñ kiwa chongdai madan kawa tip kam ka Meghalaya & Greater Shillong Progressive Hawkers & Street Vendors Association (M&GSPH&SVA), neiliang ka sorkar jylla da e jubab ko wa ym pu dep u chna ya ki kyndon heiyatoh wa ini i kaam, kamtæ ka yung bichaar daw yang ko sa chi tayaw.

Ha iwi won i liang, ka yung bichaar da ong ko wa ym em sñiawsuk ko yei chim lut kiwa chongdai wa kiwa tyrwa tiar ya ki luti lai kjat ki paidbah ha kylleiñ ka Shillong wa Tura kamjooh kiwi ki chnong hapoh ka jylla.

Ka yung bichaar da ong ko leh wa da em wa pyntip wa em kiwa chondai madan da hap su poisa ki cha ki kattu katni ki bru yow ye ki u chongdai kawa man leh kam ka bai yada ya ki, kamtæ da phah ya ka sorkar wow paitbniah yeini wei wow leh yeiwa emkaam.

Neiliang ka MGSPHSVA da pdiang ko ya kani ka hukum ka Meghalaya High Court kawa da phah ya ka sorkar jylla wow pynbiang noh ya ki kyndon khnang wow pynbait noh ya ka kamai ja kpoh yong kiwa chongdai madan katkam ka aiñ ka sorkar pyrdi.

Ka seiñ da pdiang ko leh yei phah ka High Court ya ki bor sorkar wow paitbniah yei em ki bru wa chim kabu wow khrong poisa na kiwa chongdai madan heiwa ka seiñ da yakhun ki deiwa eh wow pyndooh jait ya kiwa chim kabu kiwa leh embor ya kiwa chongdai madan.

Share this:
Previous

Lehkmen ki Scouts-Guides ka West Jaiñtia chi tayaw ya ka Azadi Ka Amrit Mahotsav

Next

Pynkup burom ka St. Anthony’s College Byndihati ya kiwa pyndep ya ka puræ puthi