theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Pynkup burom ka St. Anthony’s College Byndihati ya kiwa pyndep ya ka puræ puthi

Ka St. Anthony’s College Extension, Byndihati da pynman ko ya ka 5th Graduation cum Farewell Celebration ynnin ka sngi hapoh ka College deiwa wan sakhi u PS Shukhla, Vice Chancellor North Eastern Hills University uwa da yaroh ya ka Don Bosco Society yei chakri yong ki ya kiwa lai puræ ym du hapoh ka Meghalaya kamjooh ya waroh kawi ka thaaiñ Northeast.

Da klam u leh chaphang wym toh u pynsepai yei por wei da klam u leh chaphang ka National Education Policy kawa daw yarap ya ki khynnah wei daw pynkylla ko leh ya ka puræ puthi hapoh ka jylla.

Advertisement ad1

Neiliang u Dr. H.H. Mohrmen hawa e yei klam da pynkynmoo u wa ka India toh kawa em palat 1 Billion ngut ki bru iwa mut 1,557,716,239,560 ngut wei daw tam ko ya ka China ha u snem 2024 wei na kini kiwa em 15-29 snem i rta da em ki 27.2%, kamtæ da ong u leh wa emkaam ya ka sorkar wow wai ko ki laad yoh kreh ki khynroo khyllood hapoh ka ri.   

Da klam u leh yei ktah ka Social Media heiwa katkam wa thooh bniah ki bru wa chemphang da chem wa da pynlut 147 minit chi sngi lane kamwa 2.45 kynta ha ka chi sngi iwa mut 894.25 kynta lane 14.9 sngi ha ka chi snem. 

Tangwa da ong won u wa da em ki bru kiwa pynmih ya kiwa boon jait ha ki Social Media da im ja ki na ini deiwa man kam ki Social Media Influencer.

Kiwi de kiwa klam ha kani ka sngi toh u Fr. G.S. Lyngkhoi, Principal In-Charge, u Fr Paul O. Lyngkot SDB, Salesian Provicial, Shillong, Fr. George Maleikal, College Administrator.

Neiliang kiwa lai puræ ha kani ka thaw kiwa wan na kylleiñ ka thaaiñ Northeast da e ki da ki chaad tynre yong ki kam ka Bamboo Dance ki Mizo, ka Thougal Jagoi Dance na Manipur wa i chaad warep na ki tre chnong. Da em leh i rwai Choir na ki khynnah ka College.

Hachwa ini, u Fr. Lyngkhoi da wai u ya ka College Indoor Hall wa em ka Gym wa kiwi de ki Indoor Games.

Advertisement ad1
Share this:
Previous

Phah ka HC ya ka sorkar wow paitbniah yei em kiwa khrong poisa na kiwa chongdai madan

Next

Daw jied ya ki khynnah na East Jaiñtia wa em sap ha i yalehke Cricket