Ka High Court ka Meghalaya hawa chong bichaar ya ka mukotduma heiyatoh wa i tih mooyong pyrchah aiñ hapoh ka jylla ynnin ka sngi, da sñiaw ko yei mih khubor wa em kiwa yap ki bru ha iwa jia ha ka krem mooyong wa em ha Thangskoo, East Jaiñtia Hills District.
Ini da pynkhyrngiat ko ya u Justice H.S. Thangkhiew wa u Justice W. Diengdoh kiwa bichaar ya kani ka mukotduma kiwa da ong wa dang ini wa dep haka 14-01-2026 da em uwi uwa dooh yei mynsien nei tih mooyong pyrchah aiñ wei kammon dang pteiñ ini ha kani ka jooh ka thaaiñ.
Kamtæ da phah ya u DC deilang wa u SP ka East Jaiñtia Hills District wow kem ya ki tre ka paar mooyong, kiwa pynkrehkaam ka kamjooh wow kem lut ya waroh ki tiar ki tar. Da phah leh wow e yarap katwa ye cha kiwa chah ktah.
Da hukum leh ya u DC wa u SP wow wan ki dei bru hakhmat ka yung bichaar ha ka 09-02-26 heipor 10:30 i step yow khana ki iyi wa da ye ki u leh wei kamjooh yow khana iyi i daw wa chah u pteiñ bait kini ki kaam.
Discussion about this post