Ka Khasi Students’ Union (KSU) Central Executive Council ynne da phah ko da ka Legal Notice cha u Dangsan Khyriem, MPS, Superintendent of Police (Shillong City) wa u Hari Prasant M.R., IPS, Superintendent of Police (Traffic), East Khasi Hills District hadien wa pynmih khubor wei klam ki wa kiwa thoh khubor deiwa pynbaad ya ka seiñ heiyatoh wa iwa jia ha ka 18 tarik uni u bnai hajan ka Samkhamti Petrol Pump, Urkaliar.
Kani ka Legal Notice man ko heiyatoh wa i chah tyrrah u Additional Superintendent of Police (Traffic), East Khasi Hills ha katai ka tarik ha ki ar ngut kiwa em ha kawi ka Scooty hadooh wa mynsoo heiwa ya kini ki ar ngut hadien da yoh wow kem ki da ki pulit wei da lai rah leh hakhmat ka yung bichaar.
Ka KSU da ong ko wa da sñiawkhia ko yeiwa pynbaad wa kini ki ar ngut toh ki dkhot ka seiñ da kini ki ar ngut ki heh pulit khlem da em iwon iwon ki sabut wei lyngba kani ka Legal Notice da dawa na kini ki heh pulit wow pynche yeini.
Kamtæ da dawa wa hapoh 15 sngi wow pynche yeiwa pynmih khubor wei wow paan maap yeiwa ong wa ki heh pulit wa ki ar ngut toh kiwa man ki dkhot ka seiñ deiwa pynmih hapoh khubor yeini waroh.
Da dawa leh wow sangeh noh yei pynbaad thok ya ka seiñ deilang ki dkhot wa i rukom krehkaam ko.
Lada ym leh yeini daw lai chakhmat katkam ki luti ka aiñ heiyatoh wa ini i chah pynbaad.
Discussion about this post