U President ka NPP Meghalaya, u Prestone Tynsong ynne ka sngi da ong u wa da dep phah ya ar tylli ki pyrtuid wow yakhun MP na Shillong wa na Tura, tangwa ym bien u wow khana yei pyrtuid wei da ong u wa u National President ka NPP, u Conrad K Sangma daw pynbna u yei pyrtuid ha kani ka tayaaw wow wan.
Neiliang, u Prestone da ong u wa chong ha u National President wow pynbna wei mynjur ya ki kyrtong MP neibhah ka Party da dep phah cha oo yow chim u yei rai wa khaddooh.
Hawa kylli, da ong u wa em boon ngut kiwa paan Ticet naka NPP wow yakhun yaka Election MP, tangwa ka Party ha ka yalang da bichaar bniah ko wei kattu ha kini ki kajiak sngi, u President daw e u yei mynjur yong oo.
U Prestone da ong u wa da phah ki du ar tylli ki pyrtuid neibhah wa em du ar tylli ki Constituency kawi na Shillong wa kawi na Tura.
Ha kawi won ka khubor, da em wa pyntip wa ka NPP ye ko wow pynyakhun yaka Ampareen Lyngdoh na Shillong Parliamentary Constituency wa yaka Agatha K Sangma na Tura kawa man ka MP wa katni. Na Shillong kiwa paan Ticket toh u HM Shangpliang wa u Dasakhiat Lamare tangwa hadien wa em i yaknieh Ticket waka yakhih hapoh ka Party, kiwa yahkhmat da wanrah noh ki da ka Ampareen wow yakhun ya ka Election MP.
Discussion about this post