15 49.0138 8.38624 1 0 4000 1 https://wyrta.com 300 0

Phah ka sorkar jylla ya ki DC wow husiar hadien wa pynmih ya ka Final Draft NRC

0 Comments

Shillong: Ka sorkar jylla Meghalaya da phah ko ya waroh ki heh district kiwa em u pood wa yabi wa ka jylla Assam wow man ki kiwa paitbniah yei wan psiah ki baar jylla na Assam hadien wa dep pynmih ya ka Final Draft ka National Register of Citizens (NRC) ka jylla Assam heiwa da ki phaw lak ngut kiwa sah Assam da ye ki u chah kyntiat kam ki tre jylla tre ri wei daw dooh leh waroh i myntoi wa yoh ki na ka sorkar.

U Deputy Chief Minister u Prestone Tynsong da ong u wa ye kiwa boon ki wym mih pyrtuid ha ka NRC u pyrchang ki u psiah cha Meghalaya kamtæ da phah ya ki DC wow chimkhia ki wow pait ya ini ha waroh ki chnong ki thaw hapoh ki district.

U Tynsong da ong u wa ha Meghalaya ym pynbood ko yeiwa leh ka Assam tangwa daw pyndep ko u chna ya ki Entry wa Exit Point wei da dep leh wow jied ya ki thaw wow booh ya ki khyrdop wow sylli yei lai i wan ki baar jylla tangwa rap chem chitom ki ha Ri-bhoi wym e thaw ki tre thaw wei waroh daw em 22 tylli ki Entry wa Exit Point.

 

Advertisement ad1

0 Comments

Leave a Reply