Phah ka sorkar Meghlaya ya ka Assam wow ekti noh ya ka Case u Secy. ka Hima Nongspung cha Ri-Bhoi District

Shillong: Ka sorkar Meghalaya da phah ko ya ka Assam wow phah noh ya ka Case wa da e pyrchah ya u Secretary ka Hima Nongspung cha ka Ri-Bhoi District, Meghalaya.

“Neidaw waroh iwa jia da haap i hapoh u pood u ang ka chnong Balkhawa kawa em ha Meghalaya, kamtæ i da dep yaklam i waka Assam wa katkam i rukom krehkaam ka aiñ toh u e kti ya ka Case cha ka Meghalaya,” da pyntip u Home Minister u James K Sangma hawa yaklam wa kiwa thoh khubor.

Hawa kylli wa i chah kem u Warjri toh neidaw wa chah pynbaad u wa thmu u wow pynyap bru kawa da pyngat ya oo da ki pulit ka Assam wei da emkti u leh haka yachoh wow pynmynsoo ya uwi u bru.

“I da dep pyllang lut i katwa yoh i ya iwa jia wei waroh da e cha u montri rangbah uwa daw rah ya ini waka sorkar Assam ym slem de,” da pyntip u James Sangma.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Da pyntip u wa ka sorkar da paitbniah bha ko ya ini waroh wei da booh leh ki pulit ki wow leh ya iwa emkaam lada jia iyi iyi.

Heiyatoh won i dawa wow thung daka Commission wow pait ya ka kaam khappood, u James da ong u waka sorkar daw pyrkhat ko ya ini chwa wow chim ya ka rai.

Kam wow pynkynmoo wa u Secretary ka Hima Nongspung da chah dat u haki paidbah ha yung wa sah u ha New Balkhawa haka 7 tarik uni u bnai wei da chah tympra leh i yung wa sah u.

Ya ka FIR da e da ka khon u ka Badarlilin Rani haka Nongpoh Police Station wei da pynmih ko i pyrtuid ki 10 ngut ki bru kiwa emkti ha ini deiwa ong leh waroh da em kamwa 30-35 ngut ki bru kiwa dat ya u pa ko wa kiwa tympra ya i yung u.