Phah kset ka yung bichaar ya u Nidamon Chullet waroh chi rta heiyatoh wa i kaam pynyap bru

U Nidamon Chullet uwa man leh u President ka Jaiñtia Hills Truck Owners Association (JHTOA) uwa man leh u Working President ka NPP ha East Jaiñtia Hills District da rai phah kset ya oo da ka yung bichaar ka District Session Judge, Jowai ha ka hukum wa da pynmih ynne ka sngi.

Ya u Nidamon da phah kset waroh chi rta hapoh ka kyndon Section 302 ka IPC kawa yatoh wei pynyap bru iwa da jia ha u snem 2008 hadien wa tynyap ya u Ewanmi Lhuid hadien wa mih i ya awri awra. Heiwa da em leh sa uwi uwa tip kam u Komong Rabon wa yatoh wa ini i jooh i kaam da phah wow kset ya oo 7 snem hapoh ka Section 201 ka IPC.

Ka Session Judge, B. Khriam leh da e bor ko ya u SP wow kem noh ya u Nidamon.

U Nidamon da man u leh uwa da chah pynbaad wa emkti lang wow pynmynsoo ya ka Agnes Kharshiing waka Amita Sangma ha u Khonchonglad (Nov), 2018.

Related posts

Yoh kem ki pulit i Heroin wa Rs. 40.8 lak na ki ar ngut ha Umkiang

February 24, 2026

Yoh kem ki pulit yei drugs wa chongdor palat 55 klur | Yut u snar khayi drugs na yung wa sah ha Shillong

February 23, 2026

Puræ leh: Dawa ka Amita wow kem ya u Working President ka NPP Jaiñtia Hills wa yahkhmat wow pynmynsoo ya ka Agnes wa ya ka