U Symbood Montri Rangbah ka jylla, u Prestone Tynsong da ong u wa ka sorkar ym kwah ko wow pynman ya ka tamasa Cherry Blossom Festival ha ka sngi Sunday, wei khnang wym ktah ko yei sñiaw ki Christan wa kiwa lai yungmane, neiliang ka sorkar da phah ko wow sdang ka tamasa nadooh 3:00 waje i janmiet.
I pyrchah na kiwa boon wa lang da mih hadien wa kiwa pynlai ya ka Cherry Blossom Festival da pynbna ki ya ka tarik wow pynman ya ka tamasa kawa da booh wow pynkut ha ka Sunday wei kiwa boon ki seiñ wa kiwi de da dawa ki na ka sorkar wow kyrriah noh ya ka ka sngi pynkut kawa da booh wow man ha ka 19 tarik.
Hawa yaklam wa kiwa pathai khubor, u Prestone da ong u wym em i thmu wow pynman yaka tamasa haka sngi Sunday, tangwa da jia ryngkat wa man ko ka tamasa wa boon sngi, wei neiliang ka sorkar da phah kyrriah noh ko ya i por hadien wa kut i man yaseiñ.
Heijooh por da kular u wa ha ki snem wow wan ym jia de kamni wow pynman tamasa ha ka Sunday yow lait i ktah ya i sñiaw ki paidbah.
Discussion about this post