Ka Meghalaya Human Rights Commission (MHRC), Shillong da chimkhia ko ya iwa ujor ka State President ka Meghalaya Pradesh Mahila Congress hajrong i khlaad ka Muny R. Marak (28 snem) ha Dangar PHC kawa em hapoh Mawsynram C&RD Block.
Kawa ujor da pynbaad ko wa i leh khalær wei i wym chimkhia ki Doctor wa ki Nurse da pynpoi chei yap kani ka bru.
Kamtæ ka Commission da phah Notice ko cha u Chief Secretary ka Meghalaya wow sdang ya ka takit iwa toh u leh da u sahep uwa da em ya ka kyrdan Commissioner & Secretary ka sorkar Meghalaya wei wow phah ya ka bui (Report) cha ka Commission.
Kam wow pynkynmoo wa ha ka 3 tarik uni u bnai, ka Munni Marak da khlaad ko du hadien kattu katni por wa kha khon ko hapoh kani ka PHC.
