15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pynbna ka sorkar ya ki kyndon thymme hawa psiah chapoh Meghalaya

Ka sorkar Meghalaya lyngba ka chnat Health & Family Welfare da pynmih ko ya ki kyndon thymme ynne ka 9 tarik hawa psiah chapoh ka jylla deiwa pyndam ya kiwi ki kyndon kiwa da pynmih ini wa dep.

Waroh kiwa psiah chapoh ka Meghalaya toh u pyntipmit chwa ki deiwa Register ha ka website http://meghalayaongline.gov.in/covid/testing.htm wei wow Download ya u Arogya Setu App wa u Behavioural Change Management App ka sorkar Meghalaya na Google Play Store.

Waroh kiwa psiah chapoh ka jylla hap ki wow leh ya ka RT-PCR Test ha ki Entry Point hanla rah ki leh ya kawon kawon ka COVID-Negative Test Report.

Ya ka nongmuna yow leh ya ka RT-PCR Test u chim ha ki Entry Point wei hap wow su ya ka bai Test. Kini ki bru hadien ini hap ki wow lai cha i thaw sah ki wei wow leh ki ya ka Home Quarantine lane ha ki thaw wa leh Quarantine wa hap dei su wei yeini toh u leh 7 sngi nadooh wa poi ki hanla man Negative ka Result ki.

Ki bru wa psiah wei mih pyn haka jooh ka sngi daw Test ya ki da ka RT-PCR wei ya ka Result daw pyntip won cha ki. Hawa psiah ki, toh u neh ki du ha ki thaw wakreh ki wei wow mih liwan pyn haka jooh ka sngi.

Ki bru wa lait nei chah Test ha ki Entry Point

Ki bru wa lait nei chah Test ha ki Entry Point toh du kitu kiwa da dep yoh yei tika waroh arsien deiwa pynyoo leh ya ka Certificate wa da dep yoh tika ki.

Ki bru sorkar/Technical Staff/Logistics Experts kiwa leh yei kaam wa yatoh wa ka chnat Health & Family Welfare, Power Department, Telecommunications wa kiwi ki chnat wa ym hoi u dam u krehkaam ki katkam wa da pynbna da ka Home (Political) Department, ka sorkar Meghalaya u lait ki nei chah Test ha ki Entry Point deiwa pynyoo ya ka RAT Negative Certificate lane ka Certificate wa pynyoo wa pyndep yei yoh tika waroh arsien. Lada ym em ki ya kini, daw Test ya ki da ka RAT ha ki Entry Point. Wei kini ki bru toh u neh bait ki du hapoh i thaw kreh ki wei wow bood ki ya ki kyndon yada wa da booh.

Tangwa lada em ki ya ki dak ki chin wa chitom ki, daw Test ya ki da ka RT-PCR hanla da dep yoh ki yei tika wei em ki ya ka COVID-Negative Certificate wei hap ki wow leh ya ka Quarantine wa 7 sngi ha yung lane ha i thaw wa hap dei su lada man Negative ka Test Result leh. Lada man Positive won, hap wow bood ya ki kyndon (SOP) yow chong kset ha yung lane ha ki thaw sorkar.

Quarantine:

Waroh kiwa da Test da ka RT-PCR ha ki Entry Point toh u leh ki ya ka Home Quarantine wa 7 sngi lane ha ki thaw wa hap dei su la man Positive næ Negative ka Test Result. Ya ka Test Result daw pyntip hapoh 48 kynta iwa daw pyntip lyngba i SMS wei ye leh wow piat ha ka www.coronamegh.in. Lada man Positive hap wow chongkset ha yung lane ha ki thaw wa da booh ka sorkar.

Iwa emkaam wow tip:

Waroh kiwa psiah chapoh ka jylla hap ki wow paitbniah yei chait i khiah yong ki 10 sngi nadooh wa psiah chapoh ka jylla. Lada mih ki dak ki chin wa yoh COVID-19 toh u pyntip wut wut cha ki thaw sumaar/ANM/ASHA. Ye leh wow pyntip deiwa phone ha u 14410-State Level COVID Helpline. Waroh kiwa psiah chapoh ka jylla daw booddien ya ki deiwa phone cha ki lyngba ki IVRS ka chnat i chait i khiah.

Hap leh wow deiñ ya ki Mask ha waroh i por, u yajngai uwi ya uwi wei wow lehkhooid ya ki kti.

Share this:
Previous

Phah pynman takit ka MHRC yei yap kawi ha Dangar PHC

Next

Pteiñ ka RKM Sohra wow e yarap sa cha ki spah tylli ki manyung ka thaaiñ Nongjngi