15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pynbna ka KSU yaka Scholarship wa T. 40,000 samen neibynta ka Class 10 wa 12

Advertisement ad1

Ka Education Cell yong ka Khasi Students’ Union-Malki Circle, da pyntip paidbah ko wa ka seiñ da pynkhreh ko da ka Merit Based Scholarship kawa da e pyrtuid “U Bull Nongjop Lyngdoh Scholarship 2021”.

I thmu yong kani ka Scholarship toh yow kyntu e mynsien wei wow pynchlur chooh chooh ya ki khon khynroo wa lai puræ ka Bri u Ynñiawtrep wow nang kreh minot ki ha i puræ puthi wei wow pteiñ bait ya i puræ waphær waphær yong ki.

Kani ka Scholarship u man bait ko du ya ki jaitbru Ynñiawtrep (Khynriam, Pnar, Bhoi, War, Maram, Lyngngam), kiwa yoh ya ka ‘Highest Percentage’ ha ka Exam Class 10 wa 12 kiwa na ka MBOSE, CBSE wa CISCE.

Daw em du 4 ngut kiwa ye wow yoh pdiang ya kani ka Scholarship kiwa man kamni:

  1. Kawi toh neibynta kiwa yoh Highest Percentage ha ka Exam Class 10.
  2. Kawi toh neibynta kiwa yoh Highest Percentage haka Exam Class 12 (Science Stream)
  3. Kawi toh neibynta kiwa yoh Highest Percentage haka Exam Class 12 (Commerce Stream)
  4. Kawi neibynta kiwa yoh Highest Percentage haka Exam Class 12 (Arts Stream), kiwa naka Meghalaya Board of School Education (MBOSE), Central Board of School Education (CBSE) wa ka Council for the Indian School Certificate Examination (CISCE) yong u snem 2021.

Ka Scholarship toh T. 40,000 hajar samen.

Kiwa lai puræ kiwa sñiawthooh wa yoh ki yaka Highest Percentage ha ka Exam Class 10, 12 (Science/Commerce/Arts), ye ki wow yaleh ya kani ka Scholarship deiwa lai ha ka Website yong ka seiñ www.khasistudentsunion.com hadien wa da lait ka Result ka yong ki.

Lyngba kani ka kyrwoh, ka Education Cell yong ka KSU Malki Circle da kitbok kitrwiang ko ya waroh ki kiwa yaleh ya ki Exam waphær waphær yong ki.

Share this:
Previous

Waroh ki wakreh ka sorkar pyrdi kiwa da dap 45 snem ye ki wow chim dawai yada COVID-19

Next

Phah pyntip u Montri lada em ki thaw wa ye u wanrah yei maa nei bor rymaw