Ka Khasi Hills Autonomous District Council (KHADC) ynne ka sngi da rai ko wow khut hajir ya u Syiem ka Raid Marwet wa ya u Acting Syiem ka Hima Mylliem hajrong i yohlaad ka Assam wow chna yung wa 3 mala ha i thaw wa em ha Ribhoi District ka jylla Meghalaya.
Neiliang u Chief Executive Member ka KHADC, u Titosstarwell Chyne da ong u wa ini i wan kyntoor pood ka Assam toh ha Khanapara, iwa haap hapoh ka Raid Marwet wei wa neiliang ka KHADC daw paan pynche ko na ka Hima wa ka Raid heiwa kammon ka sorkar Assam yoh ko wow chna ya kani ka Transit Camp ki pulit Assam ha Khanapara kawa dang em hapoh u pood ka Meghalaya.
Heijooh i por u CEM da ong u wa ka KHADC da bichaar ko yei chna hajan ka yingkieñ Balakhawa da ka sorkar Assam, wei hadien wa ka Council dadep phah sorjamin ko ha u Acting Syiem ka Hima Nongspung wei hadooh kattæ ym pu yoh yaka kaiphot, kamtæ ka Council leh daw khut hajir ko ya u Syiem yow paan pynche.
