U MLA ka Pynthorumkhrah uwa man leh u Montri ha ka sorkar jylla, u Alexander Laloo Hek da phah u ya ki bor synchaar ka chnong Nongmensong wow thooh ya ki bru wa daisarom ya ka chnong deiwa kam wa ka yung krehkaam yong ka namo ka Head Quarter yong kiwa khayi yei doh i pran RAM (Rot Association of Meghalaya) da em i ha kani ka chnong.
Ka Nongmensong toh kawa haap hapoh ka Pynthorumkhrah Constituency, wei neiliang u MLA da chimkhia u yei kam ka RAM deiwa phah thooh ya ki bor chnong ya kiwa daisarom ya ka chnong.
Kani ka phang da man ko kawa chit bha ha ka Yung Dorbar Chna Aiñ ka jylla wa dang dep wot hadien wa u MLA na North Shillong da wanrah u ya ka phang ha ka Dorbar wa ka Khyndailad da kylla ko kam ka thaw wow kit ya ki kynthai kiwa khayi yei doh i pran.
Hadien ini waroh da mih ka seiñ RAM, kawa da beiñ yeini wei da khana ko leh ya ki daw wa hap leh ki ya ki kaam khayi yei doh i pran yong ki.
