theme-sticky-logo-alt
theme-logo-alt

Phah u Banteidor yaka MSOA wow e da ki thaw sah wa biang ya kiwa chimbynta ha ka Meghalaya Games

U Montri ka Sports & Youth Affairs ka jylla, u Banteidor Lyngdoh da phah u ya ki heh wa pait ya ki kaam yalehke wow pyntikna ki wa i thaw sah, thaw dem, i baam yong kiwa yalehke kiwa da wan poi ha Shillong toh u man ki kiwa yahaap kam ki bru wa yalehke.

“Da pyntip cha nga wa ki paikhana, ki thaw sum toh ki wym yahaap u pynemkaam ki bru wa yalehke. Ka Meghalaya Games toh kawa pynman da ka Meghalaya State Olympic Association (MSOA) wei da phah O ya ki wow pynbiang ki da iwa bha wa miat wa yahaap ya kini kiwa yalehke,” da ong u Banteidor.

Neiliang ki dkhot ka Meghalaya State Olympics Association da lai hiar ki cha madan Polo yow lai pynbiang thaw sah, thaw sum wa i baam da iwa biang.

Hachwa ini, ki dur wa da pynkhyrngiat ya kiwa boon da mih ki kiwa pynyoo yei wym biang i thaw sah, thaw sum, ki paikhana yong kitu kiwa da hap u sah ha JN Stadium iwa da pynman leh yow Montri wow tuklar u hajrong ini.

Ka chnat Sports & Youth Affairs da mang ko T. 2.2 klur yow pynman ya ka Meghalaya Games 2022 heiwa na kani da pynlait T. 1.2 klur cha ka MSOA yow pynlai bait pynlai ryntih ya kani ka lympung.

Share this:
Previous

Ym biang thaw sum, thaw thiah thaw dem kiwa chimbynta haka Meghalaya Games 2022

Next

Sñiawngooh ka FKJGP ya ki wakreh ka MePDCL Khliehriat wa da sdang biang i chakri paidbah