Tura: U montri rangbah ka jylla u Conrad Sangma ynnin da lai sylli u yei thaw nohjhep wa em ha Agillanggre iwa em hajan ka chnong Tura, WGH wei da chem wa i jhep da chlai i wei da poi i chei thaw tyllep bru kamtæ da phah smat u ya ka Tura Municipal Board wow smat noh u pynkrehkaam ya ki kor wow pynyait ya i jhep heiwa ya ki Plastic daw pynemkaam ya ki wow chna sarok hapoh ka Megha-Lamp Project hapoh ka jylla.
U Conrad da yahlang u wa kiwa boon ki sahep sorkar wow yoo ki dei khmat yeini kamjooh wow sylli ya ki kor wa da dep pyndait da slem tangwa ym em pynkrehkaam hadooh katni.
“I eh i khoo wa mih na i mih boon i jhep toh iwa da pynkhuslai lang ya i waroh, da emkaam wow thooh ya ki laad ki luti wow pynduna yei mih jhep,” da ong u Conrad hawa yachem wa ki paidbah wa sah cha kini ki thaw.
Ha kani ka sngi da emlang ki Joint Secretary ka Chief Minister’s Office, u Arunkumar Kemhbhave u Cyril Diengdoh wa u Deputy Commissioner u Ram Singh.
“Ka wi na ki laad toh wow pynyait chwa ya ki Plastic yow ye u pynemkaam noh ya kini ki kor wa da dep pyndait kamjooh leh ya kiwi ki jhep kiwa hoi wow pynkylla sboh, u leh noh ki hei rukom wym ktah ko ya ka Rymaw,” da ong u Conrad uwa da phah leh ya ka Municipal Board wow khat ya i jhep wa da chlai cha loom tlep bru.
“I jhep nyngkong mih ki na i samen samen wei lada kwah i wow man ka Tura kawa khooid da man ko ka kitkhlieh yong uwi pa uwi wow pynman ya ka chnong kawa khooid yow man ko kam ka nongmuna ya kiwi leh. Emkaam leh wow yabhah yei jhep nadooh na yung na ki dong yow suk u pynemkaam ya ki jhep kiwa dang ye u pynmih pynkylla cha kiwi ki mar (Recycle).” da e buit u Conrad Sangma.
Discussion about this post