Shillong: U President ka United Democratic Party (UDP), uwa man leh u Lamphang ka yung dorbar ka jylla, u Metbah Lyngdoh da ong u wa lada pynbaad wa em i chalan pyrchah yaka aiñ ya u mooyong na ka jylla, kitæ kiwa pynbaad toh u pynbiang ki yaki sakhi satar, deiwa ong wa ym ye du wow lai chondur ya ki truck deiwa yieñ ha sarok deptæ ong wa ki toh kiwa kit pyrcha yaka aiñ.
Katkam wa ong uwa yahkhmat ka UDP, kamwa man hi kattæ, ym em i chalan pyrchah yaka aiñ ya u mooyong na ka jylla, neibhah ki truck kiwa lai toh kiwa biang ya ki kot ki sla, wei toh i kamram yong ka sorkar wow pait wow pyntikna wa ym em i leh tooh næ chalan pyrchah ya u mooyong.
Hawa yatoh wa i pynbaad yong uwa yahkhmat ka liang pyrchah wa em i ya soohbuit wow chalan ya u mooyong, u Metbah da ong u wa u Dr. Mukul toh u wanrah u ya ki sabut ym du wow pynbaad du ha la-ær.
