U Symbood Montri Rangbah ka jylla, u Sniawbhalang Dhar ynne ka sngi da wan u cha Kiang Nangbah Government College, Jowai wow man kam u kongsan ha ka sngi pynkut yaka tayaaw lehkmen namo ka College Week kani ka thaw puræ.
Chwa ini da em ka yalang wa tbian ha kamra krehkaam ka Principal ka College chirup wa kiwa mihkhmat ya kiwa lai puræ deilang wa kiwa sikai wei hadien ini da phah u wow pynmiat noh ya i pchem ka College heiwa da phah u wow yachem ki heh ka College chirup wa u MLA ka Jowai u Wailadmiki Shylla deilang wa ki sahep ka PWD.
Da phah u wow siang psiang noh ya u sarok, wow chna ya i kynroh, ka Gate ka College kamjooh leh wow thung ya ki syntu harood khnang wow pynmiat yaka College deiwa booh u pynlut hadooh Rs. 1 klur.
Hawa yaklam wa u Wyrta, u Sniawbhalang da ong u wa katkam wa man hi i emkaam ka College em ki chiboon wei katni u kreh chwa yeiwa hakhmat dooh heiwa da phah wow pynmiat yaka College khnang wow man ko kam ka National College wei ka poisa wow pynlut toh katkam wa emkaam.
Chooh chooh da ong u wa daw khut u yaka yalang wa ka sorkar wow yaklam hajrong i emkaam kani ka thaw puræ.
Da ong u leh manda miat ka College hadooh kiwa wan puræ leh yoh mynsien ki.
![](https://i0.wp.com/wyrta.com/wp-content/uploads/2024/03/ilhjd1.jpg?resize=960%2C540&ssl=1)
![](https://i0.wp.com/wyrta.com/wp-content/uploads/2024/03/ilhjd2.jpg?resize=960%2C540&ssl=1)
Discussion about this post