Katkam wa phah da ka sorkar India lyngba ka Ministry of Home Affairs (Foreigners Division), New Delhi, u Superintendent of Police-cum-Foreigners Registration Officer, East Khasi Hills District da phah u ya waroh ki tre, kiwa pynlai ya ki Hotel, ki Guest House, ki yung wai wa kiwi ki thaw sah wa em ha East Khasi Hills District ki wym pu em pyntipmit ya ka User ID ki Hotel/Guest House/Lodge/Rent House/Inns wa kiwi wow pyndap ki ya ka Online ‘C’ Form (C-FRO), wei yeini hap u leh ha yung krehkaam u Superintendent of Police-cum-Foreigners Registration Officer, East Khasi Hills District, Shillong yow yoh yei tipmit. Ya kitu kiwa da em ya ka User ID toh u phah pyntip ki yei pyrtuid ki baar ri wa wan sah hapoh 24 kynta nadooh wa wan ki.
Ini leh man ko i jooh ya ki yung ki bru samen, ki Boarding House, ki Hostel, ki skur, ki College, ki University, ki yungmane (Church, Mosque, Temple) wa ki Hospital wa hap ki wow Register wa u Superintendent of Police-cum-Foreigners Registration Officer, East Khasi Hills District yow ye ki u pyntip lada em kiwa na baar ri wa wan sah, kiwa wan puræ hapoh yong ki wei yow pyntip leh heiwon sah ki wei kiwa pynlai ya kini ki thaw hap ki wow khana ynnu wan ki deiwa pyndap ya ka Online Form lyngba ka ‘C’ Form wa ‘S’ Form neiybynta ki skur, ki College wa University wei wow phah ya kani ka jooh lyngba ka Online hapoh 24 kynta khlem pep.
Kiwa pynlai ya kini ki thaw hap ki wow phah ya ka ‘C’ Form wa ‘S’ Form cha ka yung krehkaam u Superintendent of Police-cum-Foreigners Registration Officer, East Khasi Hills District, deiwa khana yei por wa wanpoi, i thaw sah kamjooh i thaw lai puræ kini ki baar ri wei lada ym leh ki yeini daw kheiñ wa da tyngkheiñ ya ka aiñ wei daw chah pynchitom katkam ka Foreigners Act, 1946.
Discussion about this post