Phla ka Sonam ha ki pulit ka Meghalaya wa yarap ko wow noh yei met u Raja | Pynbaad u Raj wa ini toh iwa sdang ka Sonam

Ka Sonam Raghuvanshi kawa man ka kurim yong u Raja Raghuvanshi da phla ko ha ki pulit wa emkti ko wow yarap noh yei met u kurim ko cha riat hadien wa dep mait da ki 3 ngut.

Ki pulit ka jylla ynne ka sngi da sdang ki wow takit ya ki 5 ngut kiwa emkti wow pynyap ya u Raja Raghuvanshi ha Sohra ha ka 23 tarik u Naisan wei ynnin da e bor ka yung bichaar wow kset ki 8 sngi hapoh ka Police Custody.

ADVERTISEMENT

Katkam ka khubor na ki pulit, da khana wa ka Sonam Raghuvanshi wa u Raj Kushwaha da phla ki hakhmat ki pulit wa pynyap ki ya u Raja, tangwa da ya pynbaad ki markylliang yi wa pyrkhat nyngkong wow leh yeini heiwa ka Sonam da pynbaad ko wa u Raj toh kawa da pyrkhat nyngong yeini katwa u Raj won da ong u wa ka Sonam toh kawa nyngkong wa sooh buit wow leh yeini.

Da khana wa hei takit ki pulit, ka Sonam da phla ko leh wa da chim yei ksiar wa deiñ u Raja wa kynthup ya u Locket, Bracelet wa ka sahkti, wei da lai e cha u Raj Kushwaha, tangwa u Raj won da kyntait u yeini wa ong ka Sonam.

Related posts

E baam ya ki ksaw wa khlem tre ha yung mi, ong ka SC ya uwa yaleh mukotduma

July 17, 2025

Pynyinsur ka HC yei por wa ye u chongdai madan ha Police Bazar

July 16, 2025

Chooh chooh da khana wa hei takit ki pulit, kini ki bru da phla ki leh wa hadien wa dadep mait ya u Raja na khlieh, ka Sonam da yarap ko ya ki 3 ngut yow rahlang yei doh i pran u Raja yow noh chapoh synrang.

Da khana leh wa ka Sonam deilang wa ki 3 ngut kiwa pynyap kitæ u Anand Kurmi, u Akash Rajput wa u Vishal Singh Chauhan da mihlang ki na Sohra hadien wa dadep pynyap ya u Raja wei da lai lang ki hadooh ha Mawkdok wei na katai ka thaw da ku da jar jiar ka Taxi.