Phone ha u 1971 ka sorkar u ap ko yei ujor wei u jubab ko yeiwa kwah ki paidbah u tip

U Montri Rangbah ka Meghalaya, u Conrad K. Sangma ynne da wai u yaka “CM-CONNECT” kawa man ka laad ya ki paidbah wow yaklam waka sorkar deiwa Phone ha u Number 1971 yow khana ki yeiwa sñiawkhia ki kamjooh iwon iwon i ujor ki.

Ini da man ko i buit wa da wanrah da u Montri Rangbah da ka thong wow e laad ya kiwa chong chnong wow embynta ki ha i lai luti ka sorkar wei kani ka rynsan daw yarap ko wow pynsñiawthooh paidbah chaphang ki Scheme sorkar, ki laad yarap wa ki kreh wa da pynkreh hapoh ka jylla.

“Kani ka rynsan daw e laad ko ya kiwa chong chnong wow kylli ki chaphang i wym sñiawthooh ki wei ka sorkar leh u ap ko yeiwa ong ki wei wow chimkhia yeiwa sñiwakhia ki,” da ong u Conrad haka yalang wai ya kani ka rynsan kawa da pynman ha Convention Centre ka North Eastern Hill University (NEHU), Shillong Campus.

Kani ka CM-CONNECT man ko du kam kani ym du ha North East tangwa hapoh waroh kawi ka ri. “Ya waroh kani da chna wei da pynemkaam da ka stat IT Technology, heiwa waroh ki chnat sorkar da pyndait lang ki lyngba ka Single Window Platform,” da khana u Conrad.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Kam chibynta kani, ki sahep sorkar ha waroh ki chnat da phah ya ki wow pyndep ya ki ujor wa yoh ki heipor wa da booh. Ki paidbah ye ki leh wow kynjoh ktien waka sorkar lyngba ki Social Media Channels deilang wa u WhatsApp.

Uni u Helpline 1971 toh uwa krehkaam nadooh 8:00 waje i step hadooh 8:00 waje i miet wei kiwa Phone ye ki wow klam dei ktien Pnar, Khasi wa Garo deilang wa i English wa Hindi.