Ki Scammer namo kiwa chukor bru katni dang yoh buit thymme ki deiwa kam wa toh ki pulit wei da maham kem lyngba ka Digital Arrest ya ki bru deiwa dawa poisa leh, tangwa da jia wa kini da pyrchang ki wow chukor ya u Rajesh Dandotiya uwa man u Additional DCP ka Indore Crime Branch.
Ini da jia i ha kani ka sngi Bibar wa dep heipor 2:00 waje i sngi heipor wa u Dandotiya dang yaklam u wa kiwa thoh khubor u ha kamra krehkaam u heiwa da yoh Phone u na ki bru kiwa da kam wa da pynemkaam bakla u Rs. 1,11,930 lyngba ka Credit Card yong oo wei da ujor ya ka FIR pyrchah ya oo heiwa daw khang leh ya ka Bank Account u hapoh ar kynta.
U Dandotiya da leh kyndeh u wa kini ki Scammer hadooh wa leh ki da ka Video Call wow ap yei wow ong ki heiwa da maham ki wow kem wei da phah ki leh wow wan u cha Police Station.
Kini ki bru nyngkong da kam chwa ki wa toh kiwa na ka Bank wei hadien won da pyndur ki wa toh ki pulit heiwa da ong ki wa da pynemkaam bakla u leh ya ka Aadhar Card yong oo.
U Dandotiya da khana u wa nyngkong kini ki bru da ong ki wa da pynemkaam bakla u ya ka Credit Card yong oo wei da Register ya ka Case ha a Andheri West Police Station ha Mumbai.
Chooh chooh da ong u ya ki wym em de lai u cha Mumbai la kamwa 10 snem kattu wei ymlait u wow lai cha kani ka sorbah wei hadien ini da ong ki wa daw hap yaklam u wa u sahep yong ki heiwa uni uwi u bru won da kam u wa oo toh u pulit wei manda leh da ka Video Call mar ya yoo wa yaklam u wa u heh pulit da pynkut wot u yei yaklam.
Discussion about this post