15 49.0138 8.38624 1 0 4000 1 https://wyrta.com 300 0

Phooh ka lehkmen Republic Day ha East Jaiñtia Hills

0 Comments
Advertisement ad1

Khliehriat: Chirup wa ka ri waroh kawi da lehkmen ya ka Republic Day wa 71 ka ri ha East Jaiñtia Hills District ha Khliehriat Higher Secondary School Playground heiwa u montri ka chnat Public Health Engineering etc, u Samlin Malniang da pynhær u ya ka lama wei da chim u leh ya ka Rashtriya Salute.

Ha ka March Past da chimbynta da ki 15 tylli ki dhab wa kynthup ya ki skur, ki dkhor ka NCC, Scouts and Guides wa ka Meghalaya Police.

U Samlin Malniang da ong u wa kani ka sngi toh wow kynmoo warom ya kiwa da yaleh laitlooid ya ka ri deiwa pynkynmoo ya ki khlawait kam U Tirot Sing, U Kiang Nangbah wa u Pa Togan N. Sangma wa kiwi kiwi.

Da pyntip u leh ya ki Scheme pynroi waphær waphær yong ki chnat sorkar waphær waphær.

Da kyntu u leh ya ki paidbah wow man ki kiwa krehchitom neibynta wow wanrah yei kylla hapoh ka jylla.

Da pynphooh ya kani ka lehkmen da ki rwai wa ki chaad wa da pynkhreh da ki skur, ki College wa ki Self Help Group ka District kamjooh leh i pynyoo rong ya ki 18 tylli ki kari wa da pynriam da ki chnat sorkar waphær waphær.

U montri da saam u leh ya ki khusnaam cha ki thaw sumaar kam ka Pamra- Paithlu PHC wa yoh yei naam Best PHC Award, ka Khliehriat CHC, Lumshnong PHC wa Rymbai PHC.

Ya i naam Best March Past Parade Contingent da yoh da ka Holy Family English School, Khliehriat bood won sa ka JNV Girls, Rymbai wa ka Little Star Secondary, Lad Rymbai heiwa le.

Ya ka kari wa da pynriam miatdur bha da jop da ka DRDA, Khliehriat wa ka Saipung Block kiwa da yoh yei naam nyngkong bood won sa ka District Commerce and Industries Centre, Khliehriat katwa yei naam wa le won da yoh da ka District Agriculture & Horticulture Office. 

Da saam leh ya ki khusnaam cha kiwa jop ha ka National Voters Day Run 2020 wa ka yong ka Cultural Programme ynne ka sngi.

Kam chibynta yong ka lehkmen da pynman leh ya ka yalehke Football, i saam baam ha Civil Hospital, Khliehriat wa ki le tylli ki Shelter Home ka District.

Advertisement ad1

0 Comments

Leave a Reply