Jowai: Ka Seiñraij ka chnong Khliehtyrshi West Jaiñtia Hills District ynne ka 27 tarik da pynman ko ya ka Chaad Sukra ka yong ka ha madan Yung Club ha Mookyniang heiwa u Montri ka Power yong ka Sorkar Jylla u Sniawbhalang Dhar da man u kam u kongsan wei da wai u leh ya kani ka Chaad Sukra.
Ya ka yalang ynne ka sngi da pyllai da u Waheh Chnong ka Khliehtyrshi u Kitbok Rymbai wei da yoh leh ya i klam tbian u Hame Phawa, President ka Seiñ Raij Chnong Khliehtyrshi wa na u Wailadmiki Lyngdoh na ka Chnong Mukhla uwa man leh kam u kyrtong wa daw yakhun ya ka MLA Election ha u snem 2018 na ka 2-Jowai Assembly Constituency.
U kongsan da yaroh u ya ki khon ka Seiñ Raij Chnong Khliehtyrshi, wei ha kani ka Chaad Sukra da wan wow sakhi da ki spah ngut ki khon ka Seiñ Raij Khliehtyrshi wei kamjooh na ki chnong wa na jan.
Ha kani ka sngi da yoh u sakhi ya ki chaad wa ha rukom nadooh ki Chaad Pliang, ki Chaad Kylleiñ Kti, ki Chaad Kpær Syntu wa kiwi kiwi.
Discussion about this post