Phrai pra ka Sunroof ka kari SUV wa haap u chrieh, dooh nong u tre kari

I chnong Varanasi wa em ha Uttar Pradesh man i kam i chnong wa kyntang bha ya ki Hindu kamjooh iwa khriñ bha ya kiwa uiñke suwari wei iwa em leh boon bha ki chrieh kiwa pynwit pynthut bha ya kiwa chong chnong kamjooh kiwa em dukan wa kiwa lai wa wan.

Ha iwi i jia ha ka 19 tarik uni u bnai, da man i dooh nong ya uwi u tre kari SUV ka MG Astor heiwa uwi u chrieh wa ye u man wa tlær u na jrong yung, da haap u klook hapoh ka kari lyngba ka Sunroof kani ka kari kawa da pra phrai.

Uni u chrieh uwa rap heh rap sngaaid da ye u wow mih wut-wut napoh kani ka kari lakam wym em jia iyi iyi iwa da pynkhyrngiat wei pynphylla ya kiwa em chajan.

Related posts

Daw khang ya ka Chympe Falls ha ki sngi Sunday deilang kiwi de ki sngi

January 14, 2026

Lyngkdang kylla ka kari wa pynhær bha kawa lai na rood ki khynnah wa lai leh niam

January 13, 2026

Kani ka kari toh kawa mantre da u Mukesh Jaiswal kawa da pynyieñ ha rood sarok, wei da khana u wa ini da jia i heipor kamwa 2:30 ha i thaw wa tip kam i Visheshwarganj.

I Video ini wa jia da poor bha i heiwa em kiwa sñiawkhia ya u chrieh boi mynsoo u, em won kiwa kylli lada bien hi ka Insurance wow su ya ini wa jia wei em won kiwa da antaad Rs. 30,000 toh iwa duna dooh wow kylliang da ka thymme kani ka Sunroof.