Phylla u CEM ka KHADC wa pyrchah ka Chairman ka MSCW ya ka aiñ chong kungrim ka Council

Jowai: Ka Executive Committee ka Khasi Hills Autonomous District Council da phah ko ya ka chithi ujor cha u Montri Rangbah ka jylla, u Conrad K Sangma wow pyrchah ya ka Chairperson ka Meghalaya State Commission for Women (MSCW), ka Theilin Phanbuh kaba da thoh cha u Lat ka jylla wa pyrchah ko ya ka Khasi Hills Autonomous District (Khasi Social Custom of Lineage) (Second Amendment), Bill 2018, wa da pdiang da ka dorbar KHADC dang ini wa dep.

U Chief Executive Member ka KHADC, u Hispreaching Son Shylla da ong u wa ka KHADC da phah ko ya ka chithi ynne ka sngi cha u Montri Rangbah neibhah ki kyndon yong ka kam ka Chairperson kam kawa bichaar toh u ap ko wa pyn ar liang chwa wow klam cheiwon cheiwon.

Neiliang u Shylla da ong u wa kam ka Chairperson ka MSCW ymtoh u leh ko kam ki seiñbhalang deiwa pynrap wa i klam yong ka da klam ko du kam ka bru samen donhi.

U CEM da ong u leh wa u Lat ka jylla da chah yah bakla u neibhah wa da thoh u wa ka Chairperson ka MSCW pyrchah ko ya kani ka  Bill, “iwa man iwa bakla,” da ong u Shylla.

Related posts

Pyndam ka VPP ya ka Ticket u kyrtong wa da dep wow pynskem

January 7, 2025

Hiar chuki u Teibor kam u EM deiwa dam leh u kyrchaan ya ka EC wei deiwa mih leh napoh ka NPP

January 6, 2025

Heijooh i por da kylli u “Kammon ka Women’s Commission pyrchah ko yei rai ka dorbar KHADC, kawa da leh katkam ka riti synchaar ka ri,” da ong u Shylla, deiwa pynrap wa kam ki MDC emhok ki wow wanrah aiñ hapoh ka Council.