Jowai: Ka yalehke Badminton wa da tip kam ka 1st Open To All Badminton Tournament 2017 wa pynman da ka Dorbar Chnong Dulong Jowai wa kyrchaan poisa ka District Sport Promotion Society Jowai da poi ko cha wa kut ha kani ka 6 tarik ha Dulong Multipurpose Hall.
Kani ka Tournament da sdang ya ka nadooh ka 1 tarik uni u bnai wei da em hadooh kamwa 108 ngut kiwa chimbynta ha ki kyrdan waphær waphær nadooh ka Men Single, Men Doubles, Men Single 45 snem chaneiñ, Men Doubles 45 snem chaneiñ, Mixed Double, Under 15 Boys Single waka Under 15 Boys Doubles.
Hadien wa kut ki yahun Final, da saam ya ki Prize cha ki wa jop wa ki warem da u kongsan u S.K.Latoo, u James Pohsngap, u Mewot Nongpluh, u Pirona Chyrmang, u Waheh Chnong Dulong u Sienwanmiki Bareh, General Secretary u Kitlang Lato wa u Lakhon Cyrmang.
Ki wa jop ha ka kyrdan yalehke Double da e T. 6000 ya ki wa rem T. 3000, ha ka Single T. 3000 ya ki wa rem T. 1500 katwa ha ka Under 15 won T. 2000 cha ki wa jop T. 1000 ya ki wa rem.
Ha ka yakhun yong ka kyrdan ka Men Single da jop da u Mebankerlang Shullai deiwa pyrem ya u Hrisami Passah, ha ka Men Doubles da jop u Buromlangki Lakiang wa u Hrisami Passah deiwa pynrem ya u Mebankerlang Shullai wa u Nangebormi Suting, ha ka Men Single 45 snem chaneiñ u Teddy Laloo da pynrem u ya u Wanmi Dkhar, ha ka Men Doubles 45 snem chaneiñ, u Antonio Lakiang wa u pynbianglang Laloo da pynrem ki ya u Teddy Laloo wa u Salan Paswet, ha ka Mixed Double u Mebankerlang Shullai waka Emilanadaka Chyrmang da pynrem ki ya u Hrisami Passah waka Ribhalang Passah, ha ka Under 15 Boys Single u Lemanda-oo Bareh da pynrem u ya u Ardakune Dkhar katwa ha ka Under 15 Boys Doubles u Lemanda-oo Bareh wa u Sam Bul Lamare da pynrem ki ya u Ardakune Dkhar wa u Hrisami Passah.
Discussion about this post