Ka yung krehkaam u Deputy Commissioner, West Jaiñtia Hills District chirup waka Ministry of Tribal Affairs da pynman ko ya ka Hamara Sankalp Viksit Bharat ha Thadlaskein C&RD Block.
Chwa ini da em i pynsñiawthooh ha ATS Kyortyrkhang, Khliehtyrchi lyngba ki sahep ka Block Office, KVK, Agriculture, Branch Manager SBI, Jowai, ki bru na ki LPG Gas Agency wa kiwi kiwa yoh myntoi na ki Scheme sorkar kam ka PMAY, PMJAY, NRML, Atal Pension Yojna, PM Jan Dhan Yojana, Nano Fertilizers wa kiwi ki Scheme wei kam kani hi ka jooh ka yalang da pynman ha Moopyllaitsyiar, Khliehtrychi ynne hi.
Da chim leh ya ki ktien kular wa tip kam ka Viksit Pledge wa yahkhmat da u Dr. B. Langbang, BDO ka Thadlaskein Block.
Neiliang u Dr. B. Langbang da pyntip u wa ka Viksit Bharat Sankalp toh i pynkrehkaam da ka sorkar pyrdi wow kynjoh cha waroh ki paidbah lyngba ka kari IEC (Information, Education and Communication) Van. Ka IEC Van daw lai ko cha ki 49 tylli ki chnong hapoh Thadlaskein Block wow khana ya ki Scheme sorkar.
Ha kani ka sngi ka chnat i chait i khiah da pynman ko yei pait yei chait i khiah ki bru dei mynkna deiwa leh yei thaw BP, i thooh ya kiwa yoh TB, wa i pyndap pyrtuid Smart Card.
Kiwa yoh myntoi na ki Scheme sorkar da khana ki leh ya iwa chem ki wei da yoh leh yei lehke (Skit) na ka VO ka chnong kawa e Wyrta yow pynneh wei yada ya ka rym-aw.
Discussion about this post