Poi ka Shillong Literary Festival cha wakut

U Montri Rangbah ka jylla, u Conrad K Sangma ynne da chimbynta u ha ka Shillong Literary Festival ha Ward’s Lake Shillong heiwa ha kani ka sngi pynkut da wan chimbynta da kiwa boon na kyllleiñ ka jylla.

U Montri ka chnat Suwari, u Paul Lyngdoh da chimbynta u deiwa khana parom.

Kani ka tamasa wa le sngi wailaad ko ya kiwa thoh kot na jylla wa na baar wow yachemlang ki.

Da em 70 ngut ki bru wa thoh wa taar heiwa da bhah ya ka ha ki 30 bynta namo Session heiwa da em i khana parom, i yaparom iwi ya iwi, i pynlait kot, i pynyoorong ya ki dur wa kiwi kiwi.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da e rynsan leh ya ki bru wa pawnaam hei thoh i taar kam ka Janice Pariat, u Rohan Chakravarty, u Arghya Sengupta, u Ambarish Satwik, u Clement Xavier, ka Parismita Singh, u Naveen Kishore, ka Ankush Saikia, u Jeyamohan, u Sam Miller, u Sanjoy Mukherjee, ka Nandini Oberoi, u Desmond Kharmawphlang, u Bijoya Sawian, ka Patricia Mukhim, u Ian Lyngdoh wa u Kyntiewbor War.

U Conrad K Sangma hawa e yei klam da e khublei u ya kiwa pynman ya kani ka tamasa kawa pynyoo wa mahajon ka jylla hei thoh i taar. Da ong u leh wa ka sorkar daw pynchlur ya i thoh i taar ha ka jylla deiwa e kyrchaan ya ki.