Jowai: Ka lympung yalehke football wa tip kam ka Tiger Five wa pynman da ka Jalapang Sport Club ha Wahiajer da poi ko cha ka yakhun Final ynne ka sngi.
Ynne ka sngi ka yakhun da man ko hapyrdi ka Avenger FC wa ka 7 Wasa.
Ha kani ka yakhun da jop ka Avenger FC deiwa thap 9 la 3 kool.
Ya ki kool ka Avenger da thap da u Marlangki Suting heiwa da yoh u wow thap hadooh 7 tylli ki kool haki minit wa 7, 11, 17, 24, 28, 56 wa 60 u Nangroi Laloo haka minit wa 35, u Pynkhreh Talang haka minit wa 49, katwa ki kool ka ka 7Wasa da thap da u Tide Langbang haka minit 59, u Bonnie Bamon haka minit wa 62 wa 65.
Ha kani ka sngi da wan pynhaap pyrda ya kani ka lympung da u MDC ka Sahsniang Mushrot u Chanki Lyngdoh kam u kongsan.
Hachwa wow kut da em ka yalang wa da pyllai da u Dauni Phawa president ka Jalapang Sport Club, hei emlang u Waheh Chnong ka Wahiajer u K. Shylla, wa kiwi kiwi.
Discussion about this post