Jowai: Ka East Jaiñtia National Council (EJNC) – Central Council hadien wa ka yoh ya ka ujor na kiwa chong chnong yong ka chnong Tuber Kmaishnong hajrong i thmu yong u Wantip Dkhar wow tynyap ya u Janri Dkhar kiwa chong wa sah ha ka jooh hi ka chnong.
Da pyntip wa u boo yong u Janri da ujor u cha ki pulit yong ka Ladrymbai OP haka 14 tarik uni u bnai wei neiliang yong ki pulit yong ka tai ka OP da kem ki ya u Wantip Dkhar.
Ha jrong i tai i jia na i liang yong ka EJNC-CC da mih ko cha khmat yow pynsñiaw ya i pynrem wa joor ya kam kini ki jaitbru kiwa pyrchang u pynthut ya ka chong suk chong chngaiñ yong ka chnong ka thaw wa ka District.
I roi yong ki kaam sih hapoh yong ka District da pyntein ya ki paidbah kiwa lai lyngba ka East Jaiñtia Hills, khamtam hei yatoh wa ki kaam slaitbor, i tynyap bru ki chah lute ki Petrol Pump wa kiwi de ki kaam pyrchah aiñ kiwa da pynsih dur ya ka District.
Ha kam kini ki por ka seiñ EJNC-CC da booh ko ya i chaniah du ha kiwa pait ya ka aiñ donhi neibhah wym ye u chim ya ka aiñ ha ki kti ki paidbah kamtæ yooluti wa daw pynchitom ki ya kiwa pynwit ya i chong suk ki paidbah ha ka District.
Da pynkynmoo leh ya u Michael Dkhar uwa emkti wow slaitbor wei wow pynyap ya ki 2 ngut ki kynthai wa dang 3 snem wa 11 snem ha u snem 2015 wa ya u Jaitre Phawa uwa tynyap ya ka Fatima Dkhar ha uni u snem wei da kyrpad ko ya ka tnat Ministry of Law & Justice wow wanrah noh da ka District Session Court hapoh ka District yow ye u smat u pynchitom ya kam ki tai ki jaitbru kamjooh keh da kyntu ya ki ar ngut ki MLA ka District yow pynyoh smat ki ya ini.
Also Read: Chah kem uwi u bru uwa emkti wow tynyap ya ka Fatima
Also Read: Chem yei metyap ka khynnah wa wiar nadooh ka 15 u Khonchonglad
Discussion about this post