Ka lympung yalehke Sports wa heh dooh ha pyrthai ka Tokyo Olympics 2020 ynne i janmiet da poi ko cha wakut heiwa u President ka International Olympic Committee, u Thomas Bach da pynbna u wa ka kut kani ka lympung.
Ya ka lympung wa bood daw pynman ha Paris, France ha u snem 2024.
Ya kani ka sngi pynkut ya kani ka lympung da em i pynyoorong wa tbian wei da tymplæh noh ka tadong diñ Olympic.
Ha kani ka Olympics ka ri wa boon takma dooh toh ka United States of America kawa da yoh 113 tylli ki takma, bood sa ka China heiwa ar deiwa yoh 88 tylli ki takma wa ka Japan kawa da poi heiwa le deiwa yoh 58 tylli ki takma.
Kani ka Olympics da man ko kawa sahkynmoo ya ka ri India na waroh ki Olympics heiwa da yoh ko 7 tylli ki takma (1 takma ksiar, 2 rupa, 4 tama) iwa man wa boon dooh ha ki Olympics hadien ka London Olympics 2012 heiwa da yoh ko 6 tylli ki takma (2 rupa wa 4 tama).
