Poi ka Wangala Festival cha wakut

Jowai: Ka 100 Drum Wangala Festival kawa 42 da poi ko cha wakut ynnin ka sngi ha chnong Asanang kawa em hajan Tura heiwa ki chynrang wa kynthai da ki riam tynre da chaad ki cha i sur ki spah tylli ki ksiñ deiwa sakhi lang da ki hajar ngut.

Ya kani ka sngi khaddooh da wan wow sakhi kam u kongsan da u montri rangbah ka jylla u Conrad Sangma uwa da yaroh ya kiwa pynman ya kani lympung yow pynneh pynsah yaka dustur riti ki jaitbru Garo.

Da ong u leh i pynneh pynsah ya ka jaitbru, i rukom im ki deiwa pynman ya kani ka lympung man ko leh kam wow pynyoo pyrthai yei mahajon ka dustur riti ki jaitbru bru Garo.

Da klam u leh chaphang ka Tribal Research Institute kawa man kawi na ki thong u pa u u PA Sangma angnood u wow sdang kawa katni da sdang wow chna ha thaaiñ Babadam kiwa em boon ki bru kiwa dang bood yaka niam Songsarek ka niamtynre ki Garo yow pynneh pynsah yei rukom im wei rukom ngait ki.

Related posts

Daw pynman ya ka General Meeting ka Seiñkur Suchiang

January 31, 2026

Pynyoo ki khynnah yei sap wow pynlai ya ka Lympung wa kyrpang yong ki ha Tuber Shohshrieh

January 18, 2026

Chooh chooh da ong u wa kani ka Tribal Research Institute daw pynneh pynsah ko leh ya i lehkmen Wangala wei da chana yaka heidor T. 48 Klur wei da yooluti u wa daw man ko kam ka Tribal University wa pura.

Ha kani ka sngi lyngba ka chnat Tourism da e kti T. 25 lak cha ka Wangala Committee.