Poi u khynnah na Afghanistan cha India deiwa rieh ha thaw pynchong chaka ka lieñsuiñ

Uwi u khynnah wa dang 13 snem na Afghanistan dei wym poi pyrkhat dapoi u cha nongbah New Delhi deiwa rieh ha ka thaw pynchong chaka namo ka Landing Gear ka lieñsuiñ na Kabul, Afghanistan.

Ini da jia i heipor 11:00 waje i step ka 21 tarik ha ka lieñsuiñ ka KAM Airlines Flight Number RQ-4401 kawa dapoi ha Indira Gandhi International (IGI) Airport hadien ar kynta nawa mih ko.

Ya uni u khynnah da pynuiñ biang cha Afghanistan ha ka jooh ka sngi ha ka jooh hi ka lieñsuiñ.

Uni u khynnah da uiñ u kylleiñ ha lait hadien wa hiar ka lieñsuiñ wei toh uwa na ka sor Kunduz, Afghanistan heiwa da e kti noh ya oo cha ki chipai ka Central Industrial Security Force kiwa da yah ya oo cha Terminal 3 ka Airport wow takit ya oo.

Related posts

Mynjur ka Mizoram ya ka aiñ yow pyndooh yei tipmit ya ki kynthai wa bia wa kiwa na baar | Ym yoh ST de hadooh ki ksu ki

February 26, 2026

Pynlait u Sniawbhalang Dhar Rs. 6 lak cha ka Dong Iawpynsiñ, Ummulong

February 26, 2026

Uni u khynnah da phla u wa da psiah tooh u chapoh ka Kabul Airport heiwa da rieh u ha thaw pynchong chaka kani ka lieñsuiñ.

Hadien wa takit ya oo da pynuiñ ya oo pyn ha ka jooh ka lieñsuiñ heipor 12:30 i sngi.

Neiliang kiwa kreh ka KAM Airlines da sylli bniah ki yei thaw pynchong chaka kani ka lieñsuiñ heiwa da chem ya ka Speaker rong soo kawa man ka yong uni u khynnah.