Ka BJP Meghalaya hadien wa pdiang ko ya 8 ngut ki MLA ka UDP ha kini ki sngi wa dep, ynne da pdiang sñiawbha ko sa ya u MLA warim ka Nartiang Constituency, u Draison Kharshiing.
U Draison da man u kam u MLA ka Nartiang nadooh u snem 2003 hadooh u 2008 wei da man u leh kam u MDC le sien nadooh u snem 1989 hadooh u 2004.
Deilang wa u Kharshiing da wan leh wow psiah kamwa 200 ngut kiwa na Jaiñtia Hills cha ka BJP ha kani ka jooh ka yalang.
Da pdiang ya kiwa wan psiah da u MLA ka BJP, u Sanbor Shullai deilang u State President, u Rikman Monin kiwa da ong wa ini pynyoo ko wa da sooh thied ka Party ha Jaiñtia Hills deilang ka Meghalaya waroh kawi.
Discussion about this post