Hadien wa mih khubor kiwa da pynbaad wa i yaleh kreh Staff Nurse ka West Khasi Hills toh deiwa em kiwa tyrwa dai hadooh Rs. 4 lak kawi heiwa ya ka Personal Interview da toh u pynman ynne ka sngi wa mynstep ka sngi heiwa yeini da kam wa da chemdien da ka VPP State Youth Wing ynnin ka sngi.
Ini i kreh toh yow man kam ki Staff Nurse ha MCH Nongstoin deiwa kreh Contractual, heiwa da khut ya kiwa da mih pyrtuid wow wan cha ka Interview kawa da pynman ynne ha Conference Room ka DC.
Ya kani ka Interview da pynman leh deiwa riñ Video heiwa da yoh leh wow riñ yeiwa psiah syndet u MDC ka Nongstoiñ, u Juristman Iawphniaw khlem da pyntip chwa heiwa da mai da tim u ya kiwa pynman ya ka Interview hadooh wa da hap pynsangeh yeiwa Interview ya kawi.
Da kylli u leh wa neiwon yoh bor wow pynman ya kani ka Interview neibhah dadep wow booh Complaint ha ka DHS kawa da ong wow phah pynsangeh, tangwa kammon kamni dang pynman ka.
Da dawa u leh wow pynsangeh pynman ya kani ka Interview wei oo kam uwa mihkhmat ka Nongstoiñ ym chah u wow man kam kini wei kani toh ka “Warning”.
Hadien wa yoo yeini wa jia da wan ki pulit kiwa yah u MDC cha lait ka thaw pynman Interview deiwa pynpsiah oo chapoh ka kamra ka DC heiwa da pynbaad u yei rukom pynman yaleh kreh katkam wa da yoo u yeiwa mih khubor.
Discussion about this post