Psiah BJP u MLA warim uwa yajan wa u Dr. Mukul Sangma

U MLA warim ka Salmanpara, u Winnerson D Sangma ynne ka sngi da lai psiah u cha ka Bharatiya Janata Party (BJP), ha ka yalang kawa da pynman ha yung krehkaam ka Party.

U Winnerson toh uwa yajan bha wa u Dr. Mukul Sangma uwa man leh u MLA wa da jooh jop na ka Congress, wei ha u snem 2021 da psiah u cha ka Trinamool Congress hapoh i yahkhmat u Dr. Mukul deilang wa kiwi ki MLA ka Congress ha itu i por.

Ya u Winnerson da pdiang sñiawbha da kiwa yahkhmat ka BJP Meghalaya wa kynthup ya u President, u Rikman G Momin, ki MLA wa kynthup ya u AL Hek wa u Sanbor Shullai wa u Mariahom Kharkrang deiwa emlang kiwi kiwa yahkhmat ka Party.

Hawa klam hadien ka yalang pdiang burom, u Winnerson da pynsñiaw u yei sñiawngooh ya u Dr. Mukul Sangma wa kiwa yahkhmat ka Meghalaya Pradesh Trinamool Congress (MPTC) kiwa da kyrchaan ya oo na i por cha i por.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Winnerson da kam u leh wa nadien yong oo ha ki kajiak sngi daw em leh kiwi kiwa yahkhmat kiwa daw psiah cha ka BJP, tangwa da kyntait u wow khana pyrtuid wei wow pyntikna yei psiah u Dr. Mukul. Da ong u wa hapoh i yahkhmat u Rikman kam u President ki paidbah, ha Garo Hills da sdang boon kiwa pdiang ya ka BJP.

Neiliang uwa yahkhmat ka BJP uwa man leh u MLA, u AL Hek da ong u wa i psiah u Winnerson cha ka BJP da pynyoo che wa ka BJP da jop ko ya ka MP Election wei da kob u leh wa sa kattu katni por daw em ki MLA warim wa ki MLA wa katni kiwa daw psiah cha ka BJP.