U Mariahom Kharkrang, IPS uwa jooh man kam u IG Prison, Meghalaya ynnin ka sngi da psiah u chapoh ka BJP wei da khana u leh yei kwah u wow yakhun Election MLA 2023 na North Shillong.
Ya u Kharkrang da pdiang ya oo da u BJP National General Secretary (Organization), u BL Santosh, u Montri Khynnah ka sorkar pyrdi wa pait ya ka Culture and Parliamentary Affairs, u Arjun Ram Meghwal, u Montri sorkar jylla, u Sanbor Shullai, u Montri warim, u AL Hek, u State President ka Party, u Ernest Mawrie wa kiwi de.
U Kharkrang da ong u wa da jied u ya ka BJP neidaw wa kwah u wow wanrah ya ka roi ka paar wei u paan Ticket u leh naka Party lada yoo biang ko ya oo.
U Kharkrang toh uwa da lai chong ngiah chwa i por lyngba ka Voluntary Retirement Scheme ha ka 1 tarik uni u bnai wei da jooh man u leh kam u SP ka Shillong.
