Jowai: Ha ka yalehke Semi Final wa nyngkong ha uni u snem yong ka East Jaiñtia Hills District Football Association (EJHDFA) ha ka kyrdan 2nd Dvision, ka Musniang SC da jop ko ya ka Pamrakmai SC lyngba ka kol wa thap da u Remingson Rymbai ha ka minit kawa 53 wei kani ka kool da neh ko hadooh wa kut i por kamtæ ka Musnaing SC da psiah Final ko.
Ha ka yakhun Semi Final wa pynman ynne ka sngi hi ka Rymbai Iawpynsing SC da jop ko ya ka Bataw Youth Welfare SC da 2 kol la nod lyngba ki kool wa thap da u Banmerison Rymbai ha ka minit wa 48 wa u Sambor Sympli ha ka minit wa 55.
Kamtæ ka Rymbai Iawpynsing u yachem Final ko wa ka Musniang SC ha ka 29 tarik uni u bnai heipor chi waje i sngi ha madan Stadium yong ka EJHDFA ha Dienchynrum, EJH.
Discussion about this post