15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Psiah Final saka Dkhar SC haka Moopala 1st Money Knock Out Football Tournament

0 Comments

Jowai: ka Dkhar SC da yoh ko u psiah Final ha ka Moopala 1st Money Knock Out Football Tournament 2019 hadien wa pynrem ko yaka Byndihati SC ha ka yalehke Semi Final kawa pynman ynne ka sngi da ka yachut Tie-breaker heiwa da jop ko da 4-3.

Hawa kyruiñ cha ka yalehke, da man ko kawa yoosuk bha heiwa waroh ar liang man ki kiwa yatoh bor bha heiwa ka Dkhar SC da yoh ko wow pynkhih jaar nyngkong da ka kool u Shine Shadap kawa wan lyngba ka Free Kick haka minit kawa 27, hadien ini ka yalehke da man ko kawa chongchit bha neidaw wa ka Byndihati SC da yakhun dohiap ko wow pynuiñ yaka chi kool wei da ye ko u leh ya ini haka kylla miet haka minit wa 75 da ka kool u Ku Lyngdoh.

Da ini i jop, ka Dkhar SC da pynkhreh ko wow yakhun yaka Final pyrchah yaka Nongrim Hills SC (Latyrke) ka wow pynman haka 23 tarik uni u bnai heipor 1:00 waje i sngi.

Kam wow pynkynmoo wa ka Nongrim Hills SC (Latyrke) da jop ko yaka Mynthning SC haka Semi Final da 3-1.

Kamtæ da khut sñiawbha ya ki paidbah wow wan sakhi ya kani ka yakhun Final.

Share this:
Previous

Pyllait symbe dakha ka VDP Mooluber haka wah Myrjiang

Next

Ym pu tikna ya ka sngi wow wan poi ka met u Archbishop na San Francisco

0 Comments

Leave a Reply