15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1
Advertisement ad1

Ym pu tikna ya ka sngi wow wan poi ka met u Archbishop na San Francisco

0 Comments
Advertisement ad1
Advertisement ad1
Advertisement ad1

Shillong: Ka Shillong Archdiocese da pyntip ko wa hadooh katni ym pu ye ko wow ong da iwa tikna yaka tarik wa i met u Most Reverend Archbishop Dominic Jala u poi ko cha Shillong.

Hawa yaklam wa ki laad pathai khubor ynne ka sngi, u Pro Chancellor ka Shillong Archdiocese, u Rev. Fr. Jimmy Marngar da kyntu u ya ki para wa ngait wow man ki kiwa yaichah wei wym toh u ngait ya ki khubor kiwa boon jait yei wan poi i met u Archbishop neibhah hadooh katni ka Archdiocese ym pu yoh ko yei pynthikna.

Advertisement ad1
Advertisement ad1

“Neiliang ka Balang da yaleh ko katwa ye yow pynpoi rap smat ya ka met, katni da em le ngut ki Lyngdoh deilang wa u MP ka Shillong, u Vincent H Pala kiwa lai choo yaka met u Archbishop,” da pyntip u.

Da pyntip chooh chooh wa ya kiwa emkaam waroh da ye u pyndep ha San Francisco, USA, wei kawa sah katni toh wow yoh ya ka Ticket lieñgsuiñ wow pynkit ya ka met. “I pyrchang toh wow yoh yaka lieñgsuiñ kawa wan bait na San Francisco cha New Delhi, tangwa kamwa sñiawthooh man ko kawa eh wow yoh yaka lieñgsuiñ kawa wan poi bait hadooh Delhi,” da ong u.

Ha kawi ka liang u Fr. Jimmy da pyntip u wa i pynkhreh yong ka Archdiocese wow pdiang ya ka met u Archbishop u man ko nadooh Guwahati, heiwa daw rah burom nyngkong ha St. Joseph Church, Guwahati kawa man ka thaw wa jooh man u kam u Provincial ha ki snem wa da dep. Hadien daw rah ha ki le tylli ki Parish ha Ri-Bhoi District, wa kynthup ha Byrnihat, Nongpoh wa Umsning Parish khnang wa ki paidbah u ye ki u leh burom khaddooh. Na Ri-Bhoi daw rah leh ya ka met cha ka yung wa da heh da san u kawa em ha Mawlai Phudmuri wei daw pynman leh ya ka Mass wa khooid ha yungmane ka Parish Mawlai, hadien ini daw wanrah cha Mary Help of Christian, Cathedral Parish, Laitumkhrah heiwa daw booh chi sngi ya ka met yow e laad ya kiwa para wa ngait wow leh burom khaddooh.

U Fr. Jimmy da pyntip u leh wa kiwi ki pynbait daw phah chooh chooh hadien wa da yoh wow pynbait wa ki bor pynlai District.

Advertisement ad1

0 Comments

Leave a Reply