Ka Dr. Rita Tariang kawa da chong-ngiah kam ka DHS ka sorkar Meghalaya da psiah ko cha ka BJP Meghalaya wei da pdiang sñiawbha yaka da u State President, u Rickman Momin deiwa emlang ki State Vice President kitæ u Khrawboklang Basaiawmoit, u Gagan Jain wa u Wankitbok Pohshna wei da em leh ki State General Secretary, u Everist Myrsing waka Dr. Bernadette Lyngdoh.
Neiliang u State President hawa e yei klam da ong u wa ka Dr. Tariang toh ka bru wa da chemphang hei kreh yong ka yow pynbha pynmiat yei chait i khiah wei da man ko leh kawa da kreh chitom wow e yei chakri yow pynku yei chait i khiah hapoh ka jylla.
Kamtæ da ong u wa ka Party daw yoh myntoi bha ko na ini waroh khamtam i stat ko yow ye u e chakri rap bha ya ki paidbah ka Meghalaya.
Yei daw wa psiah ko cha ka BJP, ka Dr. Rita Tariang da ong ko wa toh du kani ka Party kawa da pteiñ yow kreh neibynta wow kyntu kynrong ya kiwa dooh wa duk wa kiwa emkaam yei yarap wei yeini toh iwa pynsakhiat da ki kaam yarap lyngba ki Scheme hapoh i yahkhmat u Narendra Modi yaka sorkar pyrdi.
Da ong ko leh wa ka BJP e ko ya ka ka rynsan yow pteiñ ko yei kreh yow chakri ya ki paidbah ka Meghalaya wot hadien wa da chong-ngiah ko.
Discussion about this post