I psiah i mih na kawi ka seiñ saaiñ pyrthai cha kawi ha Meghalaya da pteiñ i ha Meghalaya heiwa ynne ka sngi ka MLA warim ka Congress na ri-loom Garo, ka Bluebell Sangma deilang wa kiwi da psiah ki chapoh ka Party BJP kam chibynta wow pynkhreh ya ka Election MLA ha u 2023.
Ya kini da pdiang da u President ka BJP Meghalaya, u Ernest Mawrie deiwa emlang u MDC ka BJP na Tura, u Bernard N Marak.
Ha iwi won i liang, ka MDC ka Umsning, ka Macdalyne Sawkmie leh daw psiah noh ko cha ka NPP heiwa daw pdiang ya ka mynstep ka 22 tarik da u National President ka Party, u Conrad Sangma.
Ka Macdalyne u mih noh ko naka People’s Democratic Front (PDF) yow yakhun MLA na Nongpoh Constituency da ka Ticket NPP.
Da ini, ka PDF ym em MDC de ko hapoh ka KHADC.
Ka khubor leh da em wa ki MDC ka Congress ha KHADC wa kynthup ya u Bajop Pyngrope wa u B. Ryntathiang leh daw psiah ki cha ka NPP hadien wa da yut u Fanting Lakadong yow psiah cha ka NPP ini wa dep.
